علمِ دین فاؤنڈیشن

ناظرہ قرآن کریم پڑھنے کے لیے نورانی قاعدہ بنیاد کی حیثیت رکھتا ہے اور انتہائی اہمیت کا حامل ہے۔ یہ قاعدہ اگرچہ مختصر ہے، مگر اس میں نسبتاً زیادہ محنت کی ضرورت ہوتی ہے تا کہ بنیاد مضبوط رہے۔ اس قاعدہ میں کل 16 تختیاں ہیں۔ نورانی قاعدے کی تعلیم کا کل دورانیہ تین ماہ ہے۔ یہ دورانیہ اس شخص کے لیے ہے جو بالکل ابتدائی اسٹیج پرہواور پہلے کچھ نہ پڑھا ہو، جبکہ یہ قاعدہ استعدادکے بقدر اس سے کم مدت میں بھی مکمل کیا جا سکتا ہے۔ چھوٹی عمر کے بچوں کو نورانی قاعدہ بہتر انداز میں پڑھنے میں نسبتا زیادہ وقت درکا ہوتا ہے۔

ایک طالب علم کے لیے نورانی قاعدہ مکمل کرنے کے بعد ناظرہ ٔقرآن مجید پڑھنا زیادہ مشکل نہیں رہتا، تاہم بہتر طریقے سے ناظرہ پڑھنے کے لیے ضروری ہے کہ ایک مرتبہ مکمل قرآن کریم دیکھ کر قاری صاحب کو سنا لیا جائے۔ مناسب استعداد کا حامل شخص نورانی قاعدہ کے بعد روزانہ ایک گھنٹہ کلاس کی بنیاد پر تقریباتین سے چار ماہ میں ناظرہ قرآن مکمل کرلیتا ہے۔ تیسویں سپارے میں اکثر چھوٹی سورتیں ہیں، اس لیے سب سے پہلے تیسواں سپارہ پڑھایا جاتا ہےپھراول سپارے سے آخر تک۔ شروع کے تقریبا پانچ سپارے پڑھ لینے کے بعد روانگی خاصی بڑھ جاتی ہے اور کم وقت میں اور بآسانی پورا قرآن مکمل ہو جاتا ہے۔

ایک متوسط استعداد والا طالب علم روزانہ ایک گھنٹہ کی بنیاد پر پہلے ایک ماہ میں پانچ سپارے آسانی سے مکمل کرسکتا ہے،جبکہ اس کے بعد روزانہ ایک گھنٹے کے حساب سے دوسرے ماہ میں مزید دس سپارے اور تیسرے ماہ میں بقہ پندرہ سپارے ناظرہ مکمل کیا جا سکتا ہے۔ اس دورانیہ میں یہ کورس تب مکمل ہو سکتا ہے جب استاد اور طالب علم مکمل یکسوئی سے ساتھ روزانہ پورا وقت دیں اور ایک استاد کے ایک گھنٹہ میں دو تین سے زیادہ طالب علم نہ ہوں۔

لبہ زیادہ ہونے کی صورت میں اور چھوٹی عمر کے بچوں کو بہتر انداز میں ناظرہ پڑھنے میں نسبتا زیادہ وقت درکا ہوتا ہے۔

کلام اللہ کی تلاوت اور حفظ کرنا بے شک باعث ثواب ہے، مگر اس میں موجود احکامات کو اسی وقت سمجھا جا سکتا ہے جب اس کے معنی اور مفہوم کو سمجھا جائے ۔ ترجمہ قرآن مجید کورس میں قرآن کا عام فہم ترجمہ اورمختصر ضروری تفسیر کو شامل کیا گیا ہے۔ اس کورس کا دورانیہ ایک سال چھ ماہ ہے ۔ یہ دورانیہ اس شخص کے لیے ہے جس کی عصری تعلیم مڈل لیول تک ہے۔ تاہم اپنی استعداد کے مطابق اس کورس میں اس سے کم یا زیادہ وقت وقت لگ سکتا ہے۔

بنیادی دینی تعلیم سے مراد ایک ایسا کورس ہے جس میں اسلامی عقائد ،معاملات ،معیشت ،معاشرت اور اخلاقیات پربحث کی گئی ہے۔ اگرچہ ان موضوعات کا دامن بہت وسیع ہے ،مگر ایک مسلمان ہونے کے ناطے جو بنیادی معلومات انسان کو درکار ہوتی ہیں ان کا وافر حصہ اس نصاب میں شامل ہے۔ اس کو رس میں پیچیدہ اور مشکل مباحث سے حتی الامکان اجتناب کیا گیا ہے اس لیے اس کورس کی تکمیل میں زیادہ وقت درکار نہیں۔ دینی تعلیم کے اس حصے کو عام طورپر ناظرہ کے ساتھ ساتھ ہی پڑھایا جاتا ہے۔

اس کورس کا دورانیہ 40 دن ہے۔ اس کورس میں بالغ خواتین سے متعلق روز مرہ ضروری احکامات کو شامل کیا گیا ہے۔ اس کورس میں "النور ٹرسٹ" فیصل آباد سے شائع ہونے والا تربیتی نصاب مکمل پڑھایا جاتا ہے۔ نصاب کے ساتھ دیگر ضروری نوعیت کے اسباق کا اضافہ بھی کیا گیا ہے اور وضو نماز وغیرہ کی عملی مشق بھی کروائی جاتی ہے۔